Өнөөдрөөс нийслэл болон орон нутгийн ЕБС-иудын гуравдугаар улирлын хичээл эхэлж байна. Тэгвэл Боловсролын яамнаас энэ улиралд багшийн ачааллыг тэнцвэржүүлэх, бууруулах чиглэлээр дараах бодлогын арга хэмжээг хэрэгжүүлнэ.
1. Тайлан, бичиг цаасны ажлыг бууруулна
– Давхардсан тайлан, судалгааг нэгтгэж, шаардлагагүйг цуцална
– “Нэг мэдээлэл – нэг удаа” зарчимд шилжинэ
2. Үнэлгээ, шалгалтын ачааллыг зохицуулна
– Хэт олон давтамжтай шалгалтыг багасгана
– Сургалтын чанарт чиглэсэн уян хатан үнэлгээний арга хэрэглэнэ
3. Ангийн багш (АУБ)-ийн ажлыг дэмжинэ
– Ангийн ажлын цаг, нэмэгдлийг бодитой болгох санал боловсруулна
– Эцэг эхийн хамтын оролцоог нэмэгдүүлэх зохион байгуулалт хийнэ
4. Багшийн илүү цаг, ажлын ачааллыг бодитоор үнэлнэ
– Илүү цагийн тооцоог ил тод болгож, зохих нөхөн олговор олгох тогтолцоог сайжруулна
5. Сэтгэлзүйн болон ажлын орчны дэмжлэг үзүүлнэ
– Багшид чиглэсэн зөвлөгөө, дэмжлэгийн сувгийг идэвхжүүлнэ
– “Багшаа сонсъё” санал авах сувгийг нээнэ
Багшийн ачааллыг бууруулах нь зөвхөн багшийн асуудал биш.
Энэ бол боловсролын чанарын асуудал. Багшаа ойлгож, хамтдаа дэмжихийг эцэг эх, олон нийтэд уриалж байна гэлээ.