Монгол Улсын Ерөнхийлөгч жил бүр сар шинийн баярыг тохиолдуулан 100 ба түүнээс дээш настай ахмад настнуудад хүндэтгэл илэрхийлж, мэндчилгээ дэвшүүлэн гарын бэлэг илгээдэг уламжлалтай.
Мөрөн сумын хамгийн өндөр настнууд болох П.Шарав, Б.Рэгзэдмаа нарт Ерөнхийлөгчийн илгээлт, гарын бэлгийг аймгийн Засаг даргын орлогч Ц.Гансүх, Мөрөн сумын Засаг дарга Х.Тайванбаяр нар гардуулан өгч, сар шинийн мэндчилгээ дэвшүүллээ.
Тус аймагт 15502 өндөр настан амьдарч байгаагийн 67,9 хувийг эмэгтэйчүүд эзэлж байна.
Зуугаас дээш насны 5 ахмад амьдарч байна.