2021 оноос амжилттай хэрэгжиж буй “Илгээлт 2100” хөтөлбөрийн хүрээнд энэ хичээлийн жилээс эхлэн БНХАУ-д суралцах 23 оюутныг тус ЭСЯ болон Тяньжин Их сургуулийн Олон улсын Боловсролын сургууль хамтран Бээжин хотын Капитал нисэх онгоцны буудалд угтан авлаа.
Эдгээр оюутнууд Улаанбаатар хот, Төв, Дундговь, Архангай, Ховд зэрэг аймгаас элсэлтийн ерөнхий шалгалтаар өндөр оноо авч шалгарсан бөгөөд программ хангамж, барилгын инженер, өгөгдлийн ухаан, сэргээгдэх эрчим хүч, хиймэл оюун ухаан, механик инженерчлэл зэрэг мэргэжлээр суралцах юм.
Хонконгийн Хятад хэлний их сургуулийн Шэньжэн дэх салбар сургуульд мөн энэ жилээс 7 оюутан суралцахаар хүрэлцэн ирээд байна.
Дээрх хөтөлбөрийн өмнөх жилүүдийн оюутнууд Бээжин хотын Шинжлэх ухаан, технологийн их сургууль, Тяньжин Их сургуульд Монгол Улсын эрэлттэй болон тэргүүлэх мэргэжлүүдээр амжилттай суралцаж байна.