Эрүүл мэндийн даатгалын ерөнхий газар төрийн үйлчилгээг иргэдэд илүү түргэн шуурхай, хүртээмжтэй хүргэх зорилгоор үйлчилгээгээ цахим хэлбэрт үе шаттайгаар шилжүүлэн, улам боловсронгуй болгож байна. Энэ хүрээнд иргэдэд эрүүл мэндийн даатгалтай холбоотой үйлчилгээг нэг дороос, гар утсаараа авах боломжийг бүрдүүлэх eDaatgal аппликэйшнийг шинэчлэн хөгжүүлж, хэрэглээнд нэвтрүүлээд байна.
Шинэчлэгдсэн аппликэйшнээр дараах үйлчилгээг авах боломжтой:
Шимтгэл төлөх
– Эрүүл мэндийн даатгалын шимтгэлийн хувь хэмжээг харах
– Онлайн хэлбэрээр шимтгэл төлөх
Эмнэлэг, эмийн сангийн байршлыг харах
– Гэрээт эмнэлэг, эмийн сангуудыг Google map-аар харах
Хөнгөлөлттэй эмийн мэдээлэл
– Хөнгөлөлттэй эмийн жагсаалтыг үзэх
– Эмийн төлбөрийн хэмжээг урьдчилан тооцоолох
Тусламж, үйлчилгээ, төлбөрийн мэдээлэл
– Хөнгөлөлттэй үнээр авч болох тусламж, үйлчилгээний жагсаалт
– ЭМД-аас хөнгөлөх дүн болон иргэний төлөх төлбөрийг харах
Эмчилгээний түүх харах
– ЭМД-ын хөнгөлөлттэй үнээр авсан тусламж, үйлчилгээний түүхийг хянах, үнэлэх
Эх, хүүхдийн дэвтэр харах
-Хүүхдийн дэвтрийн мэдээллийг шалгах
Цаг үеийн мэдээлэл авах
– ЭМД болон ЭМДЕГ-аас гаргаж буй мэдээ, мэдээллийг цаг тухайд нь хүлээн авах
Иргэдийн хэрэгцээ, шаардлагад нийцүүлэн боловсруулсан энэхүү аппликэйшнд өнөөдрийн байдлаар 4100 гаруй иргэн бүртгүүлж, даатгалын мэдээллээ хүссэн үедээ, гар утсаараа хялбар харчихдаг болсон. Өнөөдрийн 275 иргэн "И-Даатгал" аппликэйшн ашиглан 344 удаагийн гүйлгээгээр нийт 37 сая төгрөгийн даатгалын шимтгэл төлөөд байна.
ЭМДЕГ нь цаашид “eDaatgal” аппликэйшний үйлчилгээг улам боловсронгуй болгож, хиймэл оюун ухаанд суурилсан шийдлүүдийг үе шаттайгаар нэвтрүүлэн, иргэдийн эрүүл мэндийн даатгалтай холбоотой бүхий л үйлчилгээг илүү хялбар, хүртээмжтэй болгохоор зорин ажиллаж байна.