Цөлжилттэй тэмцэх тухай НҮБ-ын конвенцын Талуудын 17 дугаар бага хурал /COP17/-ын ес дэх өдөр ямар үйл явдал болохыг сонирхуулж байна.
Цэнхэр бүсэд:
- Усны тэсвэртэй менежментийн тайлангийн нээлт болно.
- Далайд гарцгүй орнуудын Байгаль орчны сайд нар уулзана.
- Парламентчдын форум болно.
- Хиймэл оюунд суурилсан эрчим хүчний хэмнэлттэй Ногоон дата төвийг нээнэ.
- “Зудын эрсдэл ба 2023-2024 оны зудын сургамж”, “Зуддын гамшгаас урьдчилан сэргийлэх нь: Монгол Улсын туршлага”, “Усны гамшгийн эрсдэл: Үерийн эрсдэлийн төлөв байдал” илтгэл тавина.
- “Хөвсгөл нуурын цэнгэг усны нөөц, экосистем болон бүс нутгийн ач холбогдол”, “Хөвсгөл нуурт живсэн техник хэрэгсэл, түүний байгаль орчинд үзүүлэх нөлөө, татаж гаргасан туршлага” илтгэлийг хэлэлцүүлнэ.
Ногоон бүсэд:
- Амлалтаас хэрэгжилтэд: Ганд тэсвэртэй байдлыг бэхжүүлэх бүс нутгийн түншлэл, уур амьсгалын санхүүжилтийг өргөжүүлэх нь хэлэлцүүлэг болно.
- Ус хамгаалах, газрыг нөхөн сэргээх, тэсвэрлэх чадварыг бэхжүүлэх тухай хэлэлцүүлнэ.
- Ус хэмнэх, усны шинэ эх үүсвэр, хотын усны инновацыг танилцуулна.
- Уул уурхайн улмаас доройтсон газрыг нөхөн сэргээсэн ажлын үр дүнг сонирхуулна.
- Газрыг нөхөн сэргээж, эдийн засгийг дэмжих нь: Давсархаг газрын менежментийн арга туршлагыг танилцуулна.
- Ус, хөрс, агаар мандлын харилцан үйлчлэлд хүний нөлөө: Японы хот суурин болон Монголын говийн жишээг сонирхуулна.
- Монгол Улсын Усны газар төслүүдээ танилцуулна.
- Цагаан загас үржүүлгийн төслийг сонирхуулна.