Энэ сарын 4-7-ны өдрүүдэд “Орон сууц, амины орон сууц”-ыг танилцуулах үзэсгэлэн болох гэж байна.

Монгол Улсын барилгын салбарын топ компаниудын шилдэг брэнд бүтээгдэхүүн, дэвшилтэт техник технологи, хаус болон шинэ орон сууцны төслүүдийг танилцуулах "Улаанбаатар барилга-2024" үзэсгэлэн 20 жилийнхээ ойг угтан 19 жилдээ “Мишээл Экспо” олон улсын үзэсгэлэнгийн танхимд гуравдугаар сарын 28-ны өдөр нээлтээ хийлээ.

Энэхүү үзэсгэлэнг Ерөнхий зохион байгуулагчаар “Мишээл экспо” компани, дэмжигчээр Барилга, Хот Байгуулалтын яам, “Барилгын хөгжлийн төв” ажиллаж байна. Үзэсгэлэнд Монголын болон Олон улсын барилгын материал үйлдвэрлэгч компаниуд, ханган нийлүүлэгчид, дэвшилтэт техник технологи нэвтрүүлэгчид, шинэ орон сууц, хаус, амины орон сууцны төсөл хөтөлбөр хэрэгжүүлэгчид бүтээгдэхүүн, үйлчилгээгээ танилцуулж байна.

Үзэсгэлэн 2024 оны гуравдугаар сарын 28 – гуравдугаар сарын 31-ны өдрүүдэд болох бөгөөд 2024 оны  дөрөвдүгээр сарын 4 -7-ны өдрүүдэд "Орон сууц, амины орон сууцыг танилцуулах үзэсгэлэн болно.