ХУРААХ

ҮЙЛ ЯВДЛЫН ТОВЧООН

Монгол Улсын нийт хүн ам

Б.Отгонбаяр: Алба хаагчдынхаа ар гэрийнхнээс уучлалт хүсэж байна

Б.ПҮРЭВЖАВ (сэтгүүлч)
2021-02-26

Олон нийтийн сүлжээнд өнөөдөр цэргийн алба хаагчдын бие биенийгээ дээрэлхэж, шийтгэж буй бичлэг цацагдаж, хүмүүсийн бухимдлыг төрүүлээд байгаа билээ. Үүнтэй холбоотойгоор Зэвсэгт хүчний жанжин штабын Хэвлэл мэдээллийн албаны дарга, хурандаа Б.Отгонбаяр тайлбар хийлээ. Тэрбээр "Зэвсэгт хүчний 032 дугаар ангид 2019 оны есдүгээр сарын сүүлээр цэргийн алба хаагчдын дунд харилцааны дүрмийн бус зөрчил гарсан байна. Шалтгаан, үр дагаврыг тогтоох ажлын хэсэг ажиллаж байгаа.

2019 оны хоёрдугаар ээлжээр татагдан ирсэн дайчид 2020 оны нэгдүгээр ээлжээр ирсэн хоёр алба хаагчтай дүрмийн бус харилцааны зөрчил гаргасан нь үнэн болох нь тогтоогдсон. Иймд хугацаат цэргийн алба хаагчдынхаа ар гэрийнхнээс уучлалт хүсэж байна.

Халагдсан цэргийн алба хаагчид аймаг, дүүргийн харьяалалд байгаа бөгөөд шалтгааныг тодруулахаар хууль хүчний байгууллагуудтай хамтран ажиллах болно. Хугацаат цэргийн алба хаагчдын ар гэрийнхэн нь халдвар хамгааллын дэглэмээ баримтлан Зэвсэгт хүчний 032 дугаар ангийн үйл ажиллагаа, өдөр тутмын амьдрал, ахуй орчин нөхцөлтэй нь танилцах боломжтой" гэлээ.