ХУРААХ

ҮЙЛ ЯВДЛЫН ТОВЧООН

Монгол Улсын нийт хүн ам

Нас барсны гэрчилгээ хуурамчаар үйлдэн, иргэдийг хотоос гаргадаг байжээ

Б.ӨНӨРТОГТОХ (сэтгүүлч)
2020-11-24

Эрүүгийн цагдаагийн албанаас бүх нийтийн бэлэн байдал зарласан эдгээр өдрүүдэд цахим орчинд гэмт хэрэг, зөрчилтэй холбоотой мэдээллийг шалган ажиллаж байна. Уг ажлын хүрээнд “Цахим ажил” гэх хаягаас “Хөдөө орон нутгаас хотод ирээд гацагсад холбоо барина уу” гэх зар байршуулан, иргэдийг залилж байсан, 35 настай Б, 33 настай У нарын үйлдлийг өчигдөр (2020.11.23) илрүүлжээ.

Тухайн этгүүдүүд нь уг гэмт хэргийг үйлдэхдээ нас барсны гэрчилгээ, буяны компанийн нэрийг барьж, хуурамч бичиг баримт үйлдэн, иргэн тус бүрээс 250 мянган төгрөг авдаг байжээ. Одоогийн байдлаар энэ төрлийн 12 гэмт хэрэг үйлдсэн  нь шалгалтын явцад тогтоогдоод байгаа аж.

Сэжигтэн Б, У нарт Монгол Улсын Эрүүгийн хуулийн тусгай ангийн 17.1 буюу Залилах, 23.2 Хуурамч бичиг баримт үйлдэх ашиглах гэсэн заалтаар эрүүгийн хариуцлага хүлээлгэх аж. Мөн Б нь Сүхбаатар дүүргийн цагдаагийн хэлтэст залилах гэмт хэргээр яллагдагчаар татагдан шалгагдаж байх хугацаандаа ийнхүү дахин гэмт хэрэг үйлджээ.