Эрүүл мэндийн яамнаас ээлжит мэдээллээ хийлээ. Энэ үеэр ХӨСҮТ-ийн захирал Д.Нямхүү “ХӨСҮТ-ийн нийт гурван лабораторит өчигдөр 184 хүний сорьцод шинжилгээ хийсэн. Бүгд сөрөг гарлаа. Тухайлбал, энэ сарын 2-нд Сөүл-УБ чиглэлийн тусгай үүргийн онгоцоор ирсэн 144 хүний давтан шинжилгээ, ажиглах байранд тусгаарлагдсан тав, Алтанбулагийн боомтоор хил нэвтэрсэн ачаа тээврийн 31 жолооч, Сөүл-Улаанбаатар чиглэлийн нисэх онгоцоор ирж ХӨСҮТ-д тусгаарлагдсан гурван сэжигтэй тохиолдлын давтан шинжилгээ, тандалт судалгааны зорилгоор авсан нэг хүний шинжилгээний хариу тус тус сөрөг гарлаа. Түүнчлэн ХӨСҮТ-өөс өнөөдөр дахин хоёр хүн эдгэж, дараагийн шатны эмчилгээ рзүү шилжиж байна. ОХУ-аас тавдугаар сарын 29-нд онош батлагдсан 20 настай эмэгтэй 48 хоног эмчлэгдлээ. Мөн Нурсултан-Улаанбаатар чиглэлийн нисэх онгоцоор ирсэн 30 настай эмэгтэй 34 хоног эмчлэгдэж гарлаа. Нийт батлагдсан 261 тохиолдлоос 209 хүн эдгээд байна. Эмчилгээнд 53 хүн байгаагийн нэг нь жирэмсэн. Энэ сарын 15-нд Сөүл-УБ чиглэлийн нисэх онгоцоор ирсэн 428 иргэнээс сэжигтэй гурван хүнийг тусгаарласан” гэлээ.